கரும்பில் பூச்சிகளைக் கட்டுப்படுத்தும் முறைகள்

கரும்பில் பூச்சிகளைக் கட்டுபடுத்தும் முறைகளை சர்க்கரை ஆலை நிர்வாகம் அறிவித்துள்ளது.நெல்லிக்குப்பம் இ.ஐ.டி., பாரி சர்க்கரை ஆலை வெளியிட்டுள்ள அறிக்கை:

  • வெப்பம் அதிகமாக இருப்பதால் கரும்பில் இளம் குருத்துப்புழு மற்றும் இடைக்கணுப் புழு தாக்குதல் அதிகரிக்க வாய்ப்புள்ளது.
  • இளம் குருத்துப்புழு கரும்பு நடவு செய்த 15 முதல் 120 நாட்கள் வரை தாக்கும் நிலை உள்ளது.ஒரு தாய்ப்புழு 400 முட்டைகள் வரை இடுவதால் இப்புழுவின் தாக்குதல் வேகமாக அதிகரிக்கும். தாக்கப்பட்ட பயிர்களின் தாய் கரும்பு அழுகிவிடும்.
  • இதைத் தடுக்க ஆழக்காலில் கரும்பு நடவு செய்ய வேண்டும்.
  • இளம் பயிருக்கு லேசாக மண் அணைக்க வேண்டும்.
  • ஊடுபயிராக தக்கைப் பூண்டு, சணப்பை விதைக்க வேண்டும்.
  • நடவு செய்த 20ம் நாள் ஏக்கருக்கு 4 கிலோ அவானா வேம்பு சார்ந்த குருணையை நிலம் ஈரமாக உள்ள போது போட வேண்டும். அதிக தாக்குதல் இருந்தால் 500 மி.லி., கார்போசல்பான் மருந்தை 200 லிட்டர் தண்ணீரில் கலந்து தெளிக்க வேண்டும்.
  • தழைச்சத்து அதிகம் இட்ட பயிரிலும் தண்ணீர் தேங்கிய பயிரிலும் இடைக்கணுப்புழு தாக்குதல் அதிகமிருக்கும்.
  • இப்புழுக்களும் அதிக முட்டைகள் இடுவதால் வேகமாக பரவ வாய்ப்பு உள்ளது. பூச்சி தாக்காத கரும்பை நட வேண்டும்.
  • அதிக அளவு தழைச்சத்து உரங்கள் இடுவதைத் தவிர்க்க வேண்டும்.
  • நன்மை செய்யும் டிரைக்கோகிரம்மா கைலோனிஸ் என்ற முட்டை ஒட்டுண்ணி மற்றும் டெட்ராஸ்டிக்கஸ் கூட்டுப்புழுவை விட்டும் கட்டுபடுத்தலாம்.
  • இனக்கவர்ச்சிப் பொறிகளை வைத்து தாய் புழுக்களை கவர்ந்து அழித்தும் கட்டுபடுத்தி அதிக மகசூல் பெறலாம்.

இவ்வாறு செய்திக்குறிப்பில் கூறப்பட்டுள்ளது.

நன்றி: தினமலர்

பசுமை தமிழகம் மொபைல் ஆப் இங்கே டவுன்லோட் செய்யவும்

Related Posts

கரும்பு சாகுபடியின் கசப்பான உண்மைகள்... கரும்பின் இனிப்பை சுவைக்காதவர் யாரும் இருக்க முடிய...
கரும்பைத் தாக்கும் பூச்சிகளும், கட்டுப்படுத்தும் வழிகளும்... பூச்சி தாக்கும்போது கரும்பினை முறையாக பராமரிக்காவி...
அதிக மகசூல் தரும் நவீன கரும்பு சாகுபடி... நீடித்த நிலையான கரும்பு சாகுபடி (எஸ்.எஸ்.ஐ. ...
செம்மைக் கரும்பு சாகுபடி! காவிரி டெல்டாவில் நெல்லுக்கு மாற்றாக 25 ஆண்டுகளுக்...

Leave a Reply

Your email address will not be published. Required fields are marked *