துவரை சாகுபடி

பயறு வகை பயிர்களில் துவரை மிகவும் முக்கியமான பயிராகும். துவரை சாகுபடி பரப்பை அதிகரிக்கவும், நவீன தொழில்நுட்பத்தின் மூலம் துவரை உற்பத்தித் திறனைப் பெருக்கவும் வேளாண்மைத் துறை மூலம் மானியம் வழங்கப்படுகிறது.

துவரை சாகுபடியின் முக்கியத்துவம்:

  • தொடர்ந்து ஒரே பயிரை சாகுபடி செய்யும்போது சில சத்துக்கள் மண்ணில் பற்றாக்குறை ஏற்படும்.
  • துவரையின் வேர்கள் மண்ணில் ஆழத்துக்குச் சென்று மண்ணின் அடிப் பகுதியில் உள்ள சத்துக்களை பயன்படுத்துவதால், பிற பயிர்கள் பயிரிடும்போது மண்ணில் உள்ள ஊட்டசத்தை சிறந்த முறையில் பயன்படுத்தும் வாய்ப்பு கிடைக்கிறது.
  • துவரையின் வேர் முடிச்சுகள் தழைச்சத்தின் தன்மையை அதிகரிக்கிறது.
  • துவரையின் வேர்ப் பகுதியில் இருந்து சுரக்கும் அமிலங்கள் மண்ணில் மணிச்சத்தைக் கரைத்து மற்ற பயிர்களுக்கு கிடைத்திடச் செய்ய உறுதுணையாக உள்ளது.
  • துவரை முதிர்ச்சி அடையும்போது அதிலிருந்து உதிரும் இலைகள் நிலத்துக்கு ஊட்டச்சத்து அளிக்கும்.
  • இந்தியாவில் இப்போதைய உணவு உற்பத்திசுதந்திரத்துக்குப் பிறகு 5 மடங்காக அதிகரித்துள்ளது. ஆனால், பருப்பு வகைகளின் உற்பத்தி அதிகரிக்கவில்லை.
  • எனவே, வெளிநாடுகளில் இருந்துதான் பருப்பு வகைகள் இறக்குமதி செய்யப்படுகின்றன. உள்நாட்டில் பருப்பு உற்பத்தியை அதிகரிக்க வேண்டும் என்பதற்காகவே விவசாயிகளுக்கு அரசு மானியம் வழங்கப்படுகிறது.

சாகுபடி குறிப்புகள்:

  • நீர்ப் பாசன வசதியுடைய செம்மண் மற்றும் வண்டல் மண் துவரை சாகுபடிக்கு ஏற்றது.
  • கரிசல் மண்ணில் வடிகால் வசதி மிகவும் அவசியமானது.
  • அதிக மகசூல் பெற விதைகளை மண் கலவை நிரப்பப்பட்ட பாலித்தீன் உறைகளில் விதைத்து நாற்றாங்கால் பராமரிக்க வேண்டும்.
  • 30 நாள் நாற்றுகளை நட வேண்டும்.
  • நடுத்தர கால துவரையின் வயது 130 முதல் 135 நாள்களாகும்.

மானியம்:

  • துவரை சாகுபடி செய்ய விருப்பமுள்ள விவசாயிகளுக்கு இலவச பயிற்சி அளிக்கப்படும்.
  • விதைகள் மற்றும் இடுபொருள்கள் மானிய விலையில் வழங்கப்படும். விருப்பமுள்ல விவசாயிகள் அந்தந்த வட்டாரங்களில் உள்ள வேளாண்மை விரிவாக்க மையங்களை அணுகி பயன்பெறலாம்.

நன்றி: தினமணி

பசுமை தமிழகம் மொபைல் ஆப் இங்கே டவுன்லோட் செய்யவும்

Related Posts

துவரை சாகுபடியில் மகசூலை அதிகரிக்க வழிகள்... துவரை சாகுபடியில் மகசூலை அதிகரிக்க டிஏபி கரைசலை பய...
துவரை சாகுபடி டிப்ஸ் துவரை சாகுபடியில் விவசாயிகள் நாற்று நடவு முறை தொழி...
துவரை சாகுபடியில் ஏக்கருக்கு 800 கிலோ எடுக்க ஆலோசனை... சிவகங்கை மாவட்டத்தில்,துவரை சாகுபடி செய்து, ஏக்கரு...
நாற்று நடவு முறையில் துவரை சாகுபடி... பருவமழை தவறினாலும், பருவம் போகாமல், புதிய தொழில்நு...

Leave a Reply

Your email address will not be published. Required fields are marked *