நெல் குலைநோயை கட்டுப்படுத்த சூடோமோனஸ்

நெல் குலைநோய் மற்றும் இலை உறைக்கருகல் நோயை கட்டுப்படுத்த உயிர் எதிர் கொல்லியான சூடோமோனஸ் பிளோரசன்ஸ் பயன்படுத்த வேண்டும்’ என கீழப்பாவூர் உதவி வேளாண்மை இயக்குநர் நல்லமுத்து ராசா விவசாயிகளை கேட்டுக் கொண்டுள்ளார்.

  • நெல் பயிரில் குலைநோய் மற்றும் இலை உறைக்கருகல் நோயை கட்டுப்படுத்த சிறந்த உயிர் எதிர்கொல்லியாக சூடோமோனஸ் பிளோரசன்ஸ் திகழ்கிறது.
  • சூடோமோனஸ் நுண்ணுயிரியானது விதை மற்றும் மண் வழி பரவும் நோய்களை கட்டுப்படுத்த உதவுகிறது.
  • பயிரில் நோய் எதிர்ப்பு சக்தியை தூண்ட வல்லது. உயிர் உரங்களான அசோஸ்பைரில்லம், பாஸ்போபாக்டீரியா உடன் கலந்து இதனை பயன்படுத்தலாம்.
  • விதை நேர்த்தியாக, 10 கிரோம் சூடோமோனஸை ஒரு லிட்டர் நீரில் கரைத்து அதில் ஒரு கிலோ விதையை 24 மணி நேரம் ஊற வைத்து விதைக்க வேண்டும்.
  • நடவுக்கு முன்பாக ஒரு ஏக்கருக்கான நெல் நாற்றுகளின் வேர்களை ஒரு கிலோ சூடோமோனஸ் கரைசலில் அரை மணி நேரம் ஊற வைத்து நடவு செய்ய வேண்டும்.
  • நடவு வயலில் நடவுக்கு பின் 30 நாட்கள் கழித்து ஏக்கருக்கு ஒரு கிலோ என்ற அளவில் சூடோமோனஸ் தேவையான அளவு நன்கு மக்கிய தொழு உரம் அல்லது மணலுடன் கலந்து இட வேண்டும்.
  • தெளிப்பு முறையில் 0.2 சதவீத சூடோமோனஸ் கரைசலை (அதாவது 1 லிட்டர் நீருக்கு 2 கிராம்) நடவுக்கு பின்னர் 45 நாட்கள் கழித்து நோய்களின் தீவிரத்தை பொறுத்து 10 நாட்கள் இடைவெளியில் மூன்று முறை தெளிக்கலாம்.
  • சூடோமோனஸ் நுண்ணுயிர்கள் வேளாண் விரிவாக்க மையங்களிலோ, நெல்லை உயிரியில் உற்பத்தி மையங்களிலோ விவசாயிகள் பெற்றுக் கொள்ளலாம்.

நன்றி: தினமலர்

பசுமை தமிழகம் மொபைல் ஆப் இங்கே டவுன்லோட் செய்யவும்

Related Posts

இயற்கை முறை நெல் நாற்றங்கால் பராமரிப்பு... சுற்றுச்சூழலுக்கு பாதிப்பில்லாமல் நெல் நாற்றங்...
திருந்திய நெல் சாகுபடி முறையில் கூடுதல் மகசூல்... திருந்திய நெல் சாகுபடி முறையில் சாகுபடி செய்...
நெற்பயிரில் ரசாயன உரத்தின் அளவைக் குறைக்க..... நெல் பயிரில் உயிர் உர விதை நேர்த்தி செய்து ரசா...
நெற்பயிரில் பாக்டீரியா இலைக்கருகல் நோய்... நெற்பயிரில் அறிகுறிகள்நோய்க்காரணியான பாக்டீரி...

Leave a Reply

Your email address will not be published. Required fields are marked *