நெற்பயிரை தாக்கும் பூச்சிகளை இயற்கை முறையில் கட்டுபடுத்துவது எப்படி

நெற்பயிரை தாக்கி அழிக்கும் புகையான், வெண் புகையான் உள்ளிட்ட பூச்சிகளை இயற்கை எதிரி பூச்சிகளைப் பயன்படுத்தி அழிக்க வேண்டும்.

  • நெற்பயிரை தாக்கும் புகையான், வெண்முதுகு புகையான், குருத்தப் பூச்சி, இலை மடக்குப்புழு, பச்சை மற்றும் வெள்ளை தத்துப்பூச்சிகளை கட்டுப்படுத்த இயற்கை எதிரிகளைக் கொண்ட பூச்சிகளை பயன்படுத்த வேண்டும்.
  • எட்டுக்கால் சிலந்திகள் ஒவ்வொன்றும் ஒரு நாளைக்கு 10 முதல் 12 புகையான்கள் அல்லது வெண்முதுகுப் புகையான்கள் 3 முதல் 6, பச்சை மற்றும் வெள்ளை தத்துப்பூச்சிகள் இரண்டு குருத்துப் பூச்சிகள் அல்லது இலை மடக்குப் புழு ஐந்து களைக் கொன்று உண்ணும் திறன் வாய்ந்தது. எனவே, இதை வயலில் வளர்க்க வேண்டும்.
  • பொறி வண்டுகள் அதன் குஞ்சுகள் மற்றும் தாய் வண்டுகள், புகையான், தத்துப்பூச்சி அகவுனி, நெற்பேன், இலை மடக்குபுழு, மாவுப் பூச்சிகள், குருத்துப் பூச்சிகளை ஒரு நாளைக்கு இரண்டு முதல் 3 வரை கொன்று அழிக்கும்.
  • தரை வண்டுகள் ஒரு நாளைக்கு 8 முதல் 15 புகையான் மற்றும் தத்துப்பூச்சிகளை உண்ணும் திறன் பெற்றவை.
  • பச்சை நாவாய்பூச்சி ஒரு நாளைக்கு 3 அல்லது ஐந்து புகையான் மறம் தத்தப்பூச்சிகளை கொன்று திண்ணும் திறன் வாய்ந்தது.
  • விசித்தட்டான் இலை புகையான், தத்துப்பூச்சிகளை பிடித்து உண்ணும்,
  • மீதைல் பார்த்தியா, குயினால்பாஸ் மற்றும் செயற்கை பைரித்திராய்டு போன்ற பூச்சிக் கொல்லி மருந்துகளை நெற்பயிரில் பயன்படுத்தினால் மேற்கண்ட இயற்கை எதிரிகளுக்கு தீங்கு விளைவிக்கும்.
  • நெல்லில் இலைப்புழுக்கள் கட்டுப்படுத்த டிரைகோ கிராம்மா கைலோனிஸ் என்ற மூட்டை ஒட்டுண்ணியை ஏக்கருக்கு 40 ஆயிரம் என்ற அளவில் வயலில் தாய் அந்துப் பூச்சிகள் நடமாட்டம் தென்பட்டவுடனேயே விட வேண்டும்.
  • ஏக்கருக்கு ஐந்து விளக்குப் பொறிகளை வைத்து அந்திப் பூச்சிகளை கவர்ந்து அழிக்க வேண்டும்.
  • அளவுக்கு அதிகமாக யூரியா உபயோகிக்கக் கூடாது.
  • வயல் வரப்புகளை சுத்தமாக வைக்க வேண்டும்.
  • பொருளாதார சேத அளவுக்கு மேல் காணப்பட்டால் அருகில் உள்ள வேளாண் விரிவாக்க மையத்தில் உள்ள களப்பணியாளர்களிடம் ஆலோசனை பெற்று பூச்சிக் கொல்லி மருந்துகளை பயன்படுத்தலாம்.

இவ்வாறு வேளாண் துணை இயக்குனர் நடராஜன் தெரிவித்துள்ளார்.

நன்றி: தினமலர்


பசுமை தமிழகம் மொபைல் ஆப் டவுன்லோட் செய்ய இங்கே கிளிக் செய்யவும்

Leave a Reply

Your email address will not be published. Required fields are marked *