தக்காளி சாகுபடியில் உயர் விளைச்சல் தொழில்நுட்பங்கள்

  • தக்காளி பி.கே.எம்-1, கே.பி.ஹெச்-1, கோ.பி.ஹெச்-2, யு.எஸ்.-618, ருச்சி, லட்சுமி ஆகிய ரகங்களைத் தேர்வு செய்யலாம்.
  • மண் பரிசோதனை செய்து அதற்கேற்ப உரமிடுதல் வேண்டும்.
  • சொட்டுநீர்ப் பாசனம் அமைத்து நீர் வழி உரமிடுதல் மூலம் மகசூலை இரட்டிப்பு செய்ய முடியும்.
  • நடவு செய்த 30ஆவது நாளும், நன்றாகப் பூத்திருக்கும் நிலையிலும் 1.25 மில்லி கிராம் என்ற அளவில் வளர்ச்சி ஊக்கியை ஒரு லிட்டர் தண்ணீரில் கலந்து தெளிக்க வேண்டும்.
  • துல்லிய பண்ணையத்தில் வீரிய ஒட்டு ரகங்களை நடவு செய்தால் ஹெக்டேருக்கு 150 டன்கள் வரை பெற முடியும். நடவு செய்த 9 மாதம் வரை அறுவடை செய்யலாம்.
  • பச்சைக் காய்ப்புழு, புகையிலைப் புழுக்களைக் கட்டுப்படுத்த ஒருங்கிணைந்த பூச்சி நிர்வாகத்தை மேற்கொள்ள வேண்டும்.
  • கோடை உழவு செய்வதன் மூலம் கூட்டுப் புழுக்களை அழிக்கலாம்.
  • இனக்கவர்ச்சிப் பொறி பயன்படுத்தியும் பூச்சிகளை கட்டுப்படுத்தலாம்.
  • டிரைகோகிரம்மா என்னும் முட்டை ஒட்டுண்ணியை ஹெக்டேருக்கு 50 ஆயிரம் என்ற அளவில் பூக்கும் தருணத்தில் விட வேண்டும்.
  • குழித்தட்டுகளில் வளர்க்கப்பட்ட வாளிப்பான நாற்றுகளை நடவுக்குப் பயன்படுத்த வேண்டும்.
  • பழங்களை அறுவடை செய்த பிறகு அவற்றை தரம் பிரித்து பிளாஸ்டிக் கிரேடுகளில் நிரப்ப வேண்டும். பழங்களின் எடை ஒவ்வொரு ரகத்துக்கு மாறுபடும்.
  • பழங்களை அளவு அடிப்படையில் விற்பனை செய்யக் கூடாது. எடை அடிப்படையில் விற்பனை செய்வதன் மூலம் கூடுதல் லாபம் பெற முடியும் என்று வேளாண்மைத் துறை அலுவலர்கள் தெரிவித்துள்ளனர்.

நன்றி: தினமணி 

Related Posts

தக்காளியில் இடைத்தரகர் ஆதிக்கத்துக்கு முற்றுப்புள்ளி... ஒவ்வொரு ஆண்டும்  தக்காளி விவசாயிகள் விலை வீழ்ச்சி ...
தக்காளி சாகுபடி மண் மற்றும் தட்பவெப்பநிலை : தக்காளியை ஆண்டு முழுவ...
துல்லிய தக்காளி சாகுபடி வீடியோ... துல்லிய தக்காளி சாகுபடி அனுபவம் பற்றிய ஒரு வீடியோ ...
தக்காளியில் பூச்சிக்கொல்லி மருந்து தவிர்ப்பு வழிகள்... தக்காளி சாகுபடியில் பூச்சிக்கொல்லி மருந்தை தவிர்க்...

Leave a Reply

Your email address will not be published. Required fields are marked *