சாம்பல் பூசணி சாகுபடி டிப்ஸ்

பருவம்:

  • கொடிவகை காய்கறிப் பயிர்களுக்கு சிறந்த பருவம் ஆடி மற்றும் தைப்பட்டங்களே என்பது எல்லோரும் அறிந்த ஒன்றே.அப்பருவங்களே சாம்பல் பூசணி விதை உற்பத்திக்கும் ஏற்ற பருவம்.அதாவது ஜூன், ஜூலை மற்றும் ஜனவரி-பிப்ரவரி மாதங்களாகும்.
  • விதைப்புக்கு தேர்ந்தெடுக்கும் விதைகள் வல்லுனர் விதைகள் அல்லது ஆதார நிலை விதைகளாக இருப்பது மிக முக்கியம்.
  • ஒரு ஏக்கருக்கு தேவையான 400 கிராம் விதைகளை “கேப்டான்’ அல்லது “பெவிஸ்டின்’ பூஞ்சாணக்கொல்லி மருந்துகொண்டு விதைநேர்த்தி செய்து கொள்ளவும்.
  • பின் குழிகளில் குழி ஒன்றுக்கு ஐந்து விதைகள் வீதம் சம இடைவெளி விட்டு நடவேண்டும்.
  • விதை நடவு செய்தபின் பூவாளி கொண்டு தண்ணீர் ஊற்ற வேண்டும்.
  • அவ்வாறு தண்ணீர் ஊற்றும்போது மண்ணை நீர் அரிக்காமலும், விதைகள் வெளியில் தெரியாமலும் கவனமாக ஊற்ற வேண்டும்.
  • செடிகள் முளைத்து நன்கு வளர்ந்த பின் வாரம் ஒருமுறை நீர் பாய்ச்சுவது முக்கியம்.
  • செடிகள் முளைத்த 10 நாட்களில் ஒவ்வொரு குழியிலும் திடமான மூன்று செடிகளை மட்டும் விட்டு, அதிகமாக உள்ள செடிகளை அகற்றிவிட வேண்டும்.
  • அவ்வாறு செய்வதால் அளிக்கும் உரம் மற்றும் நீர் போன்றவைகளுக்கு பற்றாக்குறை இல்லாமலும் செடிகளுக்குள் போட்டிஇல்லாமலும் நன்கு வளர ஏதுவாகும்.
  • குழிகளில் களைகள் இல்லாமல் பராமரிப்பது மிக முக்கியம்.ஏனெனில் களைச்செடிகள் சாம்பல் பூசணி செடிகளுக்கு போட்டியாக இடுபொருட்களை எடுத்துக் கொள்வதால் மகசூல் குறைவதுடன் அவற்றின் தரமும் குறைகின்றன.
  • எனவே, செடிகள் படருவதற்குள் குழிகளில் இரண்டு அல்லது மூன்று முறை கைக்களை எடுத்துவிட வேண்டும்.

வளர்ச்சி ஊக்கி தெளித்தல்:

  • பொதுவாக கொடிவகைக் காய்கறிகளில் ஆண், பெண் பூக்கள் தனித்தனியாக பூக்கின்றன.
  • செடிகளில் பெண் பூக்களின் எண்ணிக்கை அதிகமாக இருந்தால்தான் நல்ல மகசூல் கிடைக்கும். எனவே சாம்பல் பூசணி பயிருக்கு “எத்திரல்’ என்னும் வளர்ச்சி ஊக்கியை 200 பி.பி.எம். அளவில் செடிகளில் 4 இலைகள் தோன்றும் தருணத்தில் இருந்து ஒரு வார இடைவெளியில் நான்கு முறை தெளிக்க வேண்டும்.
  • சாம்பல் பூசணி பயிருக்கு 22 கிராம் யூரியாவை நட்ட 30வது நாளில் மேலுரமாக இடவேண்டும்.
  • அவ்வப்போது தென்படுகின்ற பூச்சி மற்றும் நோய்களைக் கட்டுப்படுத்த பரிந்துரைக்கப்பட்ட பயிர் பாதுகாப்பு முறைகளைக் கடைபிடிக்க வேண்டும்.

அறுவடை:

  • பூசணி விதைத்த 90ம் நாளிலிருந்து காய்களை அறுவடை செய்யலாம்.
  • சாதாரண வெப்பநிலையில் காய்களை நல்ல காற்றோட்டமான அறைகளில் ஒன்றின் மேல் ஒன்றாக அடுக்காமல் இடைவெளியிட்டு சேமிப்பதன் மூலம் சுமார் 4லிருந்து 5 மாதங்கள் வரை பாதுகாக்கலாம்.

தொடர்புக்கு: எம்.அகமது கபீர், 61, ஆர்.கே.ஆர்.நகர், தாராபுரம்-638 656, திருப்பூர். எம்.அகமது கபீர், 09360748542.

நன்றி: தினமலர்

Related Posts

இடை­வெ­ளி­விட்டு நடவு முறையில் கல்­யாண பூசணி... கல்­யாண பூச­ணியை இடை­வெளி விட்டு நடவு செய்தால், நல...
வாழையில் ஊடுபயிராக பூசணி, சேனை... கோபி வட்டாரத்தில் வாழையில் ஊடுபயிராக பூசணி பயிரிடப...
திருக்கழுக்குன்றத்தில் பூசணி விளைச்சல் அமோகம்... நெல்லுக்கு பதிலாக திருக்கழுக்குன்றம் விவசாயிகள் மா...
வாழை வயலில் ஊடுபயிராக பூசணி சத்தியமங்கலம் பகுதியில் வாழை வயலில் நடப்பட்டுள்ள ப...

Leave a Reply

Your email address will not be published. Required fields are marked *