காசு அள்ளித் தரும் கடம்ப மர சாகுபடி

  • மருத்துவ குணம், பென்சில், தீக்குச்சி, காகிதம் தயாரிக்க பயன்படும் வெள்ளை கடம்ப மரத்தை மகசூல் செய்வதன் மூலம், விவசாயிகளுக்கு ஆண்டிற்கு பல லட்ச ரூபாய் வருமானம் கிடைக்க வாய்ப்புள்ளது.
  • ஆந்தோசெபாலஸ் கடம்பா’ என்ற தாவரவியல் பெயரை கொண்டது கடம்ப மரம்.
  • இம்மரத்தின் இலை மற்றும் பட்டைகளில் இருந்து காடமைன், ஐசோகாடமைன், கடம்பைன் போன்ற அல்கலாயிடுகள் தயாரிக்கப்படுகின்றன.
  • இலைகளில் இருந்து தயாரிக்கப்படும் குளோரா ஜெனிக் அமிலம் ஈரல் பாதுகாப்பு மருத்துவ குணம் கொண்டதாக கண்டறியப்பட்டுள்ளது.
  • இந்த மரத்தில் இருந்து அதிக இலைகள் கொட்டுவதால் மண்ணில் அங்கக கரிமவளத்தை கூட்ட உதவுகிறது.
  • கடம்ப மரம், பென்சில் மற்றும் தீக்குச்சி தயாரிப்பு, காகிதம் தயாரிப்பு, வீடுகளின் மேல்தள பலகை மற்றும் தேயிலை பெட்டிகள் செய்யவும் பயன்படுகிறது.
  • இப்பூக்களில் இருந்து நீராவி வடித்தலின் மூலம் கிடைக்கும் தைலம், சந்தன எண்ணெய் உடன் சேர்ந்து வாசனை திரவியம் தயாரிக்க பயன்படுகிறது.
  • சாதாரணமாக 10 மீட்டர் உயரம் மற்றும் இரண்டு மீட்டர் சுற்றளவுள்ள அடி மரமும் கொண்டதாக உள்ளது.
  • மேற்கு தொடர்ச்சி மலை காடுகளில் 23 மீட்டர் உயரமுள்ள மரங்களும் உள்ளன.
  • நடுமரம் ஓங்கி உயர்ந்து வளர்ந்த நிலையில், தலைப்பகுதியில் பெரிய பந்து போன்ற தழையமைப் புடன் பார்ப்பதற்கு அழகாக இருக்கும்.
  • மே, ஜூலை மாதங்களில் பூந்தலைகள் தோன்றிடும்.வெள்ளை கடம்ப மரம் கடல் மட்டத்தில் இருந்து 300 – 800 மீட்டர் உயரம், வருட வெப்பநிலை 23 டிகிரி செல்சியஸ், வருட மழையளவு 1,600 மி.மீ., உள்ள பகுதிகளில் நன்கு வளரும்.
  • ஆழமான, ஈரமான, நல்ல வடிகால் உள்ள வண்டல் மண் நிலங்களில் மிக வேகமாக வளரும்.
  • மலை அடிவாரங்களில் உள்ள நிலங்களுக்கு ஏற்ற மரமாக கடம்ப மரம் உள்ளது.
  • வளமற்ற மற்றும் மண்ணில் காற்றோட்டம் இல்லாத நிலங்களில் மரம் வளராது.
  • கடற்கரை பகுதிகளில் நடலாம். ஆனால், உப்பு நீர்ப்பகுதிகளில் வளராது.
  • நீர் செழிப்பு மிக்க சதுப்பு நிலங்களில் நன்கு வளரும். எனவே, கிராமங்களில், ஏரிகளின் உட்பகுதியில் உள்ள நிலங்களிலும், ஏரியின் கரையை ஒட்டிய நிலங்களிலும், ஆற்றோர நிலங்களிலும் இம்மரத்தை வளர்க்கலாம்.
  • இம்மரத்தை பென்சில் தொழிற்சாலைக்கு விற்பனை செய்யும் போது, கன அடிக்கு 250 ரூபாய் என ஒரு மரம் 2,750 ரூபாய் வரை விலை போகும்.
  • இதன்படி, 3.25 து3.00 மீட்டர் இடைவெளியில் நடப்பட்ட தோட்டத்தில் ஏக்கருக்கு 400 மரங்கள் இருக்கும்.
  • 10 ஆண்டுகளில் 10 லட்ச ரூபாய் கிடைக்கும். இதன்படி, ஆண்டு வருவாயாக ஏக்கருக்கு ஒரு லட்ச ரூபாய் பெறலாம்.

நன்றி: தினமலர்

Related Posts

மலைப்பகுதியில் இயற்கை வழி மூலிகை சாகுபடி... பொதுவாக, 'பசுமைக் குடில் விவசாயம், மலைப்பகுதி விவச...
பர்மா தேக்கை சாகுபடி செய்யும் வாலிபர்: ஊடு பயிராக வாழையும் சாகுபடி... விவசாய நிலத்தில்,பர்மா தேக்கை நடவு செய்து, பராமரித...
வெற்றிலை சாகுபடியில் மாதம் ரூ. 70 ஆயிரம்... சுப நிகழ்ச்சிகளிலும் கோவில் பூஜைகளிலும் கமகமக்கும்...
இலவு சாகுபடி பஞ்சு மரம் வளர்க்கக்கூடாது… அவ்வாறு வளர்த்தால் நெற...

One thought on “காசு அள்ளித் தரும் கடம்ப மர சாகுபடி

Leave a Reply

Your email address will not be published. Required fields are marked *