மா அறுவடைக்குப்பின் தொழில்நுட்பம்

மா முன்பருவ அறுவடை துவங்கியுள்ளதால் விவசாயிகள் போதிய தொழில்நுட்ப முறைகளை கடைபிடிக்குமாறு வேளாண்துறை அறிவுறுத்தியுள்ளது.

  • அறுவடையின் போது மாங்காயின் காம்பு தளர்ச்சி அடைந்து இருக்க வேண்டும்.
  • மா தோலின் நிறம் கரும் பச்சையில் இருந்து லேசாக பச்சையாக மாறியும், சதைப்பற்று லேசாக மஞ்சள் நிறமாக மாறியிருக்கும் நிலையில் அறுடை பணிகள் துவக்கப்பட வேண்டும்.
  • அறுவடை செய்த மாவை தரம் பிரித்து பிளாஸ்டிக் கிரேட்களில் அடுக்கி சந்தைக்கு எடுத்து செல்ல வேண்டும்.
  • விற்பனைக்கு ஏற்ப பழம் பழுக்க வைக்கும் கட்டமைப்பு வசதிகளை பயன்படுத்த வேண்டும்.
  • மாவின் காம்பை 10 முதல் 20 செ.மீ., தூரம் விட்டு மா அறுவடை செய்யும் கருவி மூலம் அறுவடை செய்ய வேண்டும்.இந்த முறையால் மாவின் பால் மா பழத்தோலின் மீது விழாமல் பாதுகாக்கப்படும்.
  • பால் தோலில் பட்டால் அந்த பகுதியில் கரும்புள்ளிகள் விழுந்து பழம் கெட்டு விடும்.
  • மா பழங்களை அறுவடை செய்யும் போது பழங்கள் கீழே விழுந்து காயம் அடையாமல் இருக்க வலையுடன் கூடிய அறுவடை கருவிகள் மூலம் அறுவடை செய்ய வேண்டும்.
  • மா பழங்களை அறுவடை செய்தவுடன் நேரடியாக சூரிய ஒளியில் படும்படி வைப்பதை தவிர்த்து, குளிர்ச்சியான இடங்களில் வைக்க வேண்டும்.
    சாக்கு பை, கூடைகள் ஆகியவற்றில் மாம்பழங்களை வைக்க கூடாது.
  • இதனால், பழங்கள் காயம் அடைய வாய்ப்பு உண்டு. பிளாஸ்டிக் கிரேட்சில் பழங்களை சேகரிக்க வேண்டும்.
  • காலை நேரத்தில் மா பழங்களை அறுவடை செய்து நிழல் பகுதியில் சேகரிக்க வேண்டும்.
  • வரையறுக்கப்பட்ட பேக்கிங் முறைகளை கையாண்டு ஒரே வரிசையில் ஒரே தரத்தில் பழங்களை காட்டன் அட்டை பெட்டிகளில் அடைக்க வேண்டும்.
  • மா பழங்களை காம்புடன் அறுவடை செய்தவுடன் அதில் வடியும் பால் மா பழங்களின் மேல் படாமல் இருக்க காம்பு பகுதி கீழ் புறமாக இருக்கும்படி பிரத்தியோக வலை பின்னப்பட்ட பகுதியில் (மூங்கில் தட்டி) 10 நிமிடம் வைத்து இருக்க வேண்டும்.
  • இதனால், மா பால் பழங்களில் மீது படாமல் தவிர்ப்பதால் பழ அழுகளில் இருந்து கட்டுப்படுத்த முடியும்.
  • மா பழங்களை 40க்கு 30 சைஸ் 10 செ.மீ., அளவு கொண்ட காட்டன் அட்டை பெட்டிகளில் ஒரே தரம் உள்ளவையாக அடுக்க வேண்டும்.
  • இந்த தொழில்நுட்ப முறைகளை விவசாயிகள் கடைபிடிப்பதன் மூலம் பழங்கள் அழுகள் மற்றும் சேதங்களில் இருந்து பாதுகாப்பாகவும், வாடிக்கையாளர்களை கவரும் வகையில் இருக்கும்.
  • பழங்களின் தரம் மற்றும் கவரும் விதத்தை பொருத்து மார்க்கெட்டில் சந்தை விலை நிர்ணயிக்கப்படுவதால் விவசாயிகளும் கூடுதல் லாபம் பெற முடியும்.

இவ்வாறு  வேளாண் அலுவலர் தாம்சன் வெளியிட்ட அறிக்கை வெளியிட்டு உள்ளார்.

நன்றி: தினமலர்

Related Posts

கேரளத்தில் ஒரு விஷ மையம் கேரளத்தில் உள்ள முதலமாடா மா தோட்டங்களுக்கு புகழ் ப...
மா தத்துப்பூச்சி தாக்குதலை கட்டுப்படுத்த வழிகள்... நோய்க்கான அறிகுறிகள்மா தற்போது பூத்து உள்ளதா? ...
மா சாகுபடியில் அடர்நடவு முறை அடர்நடவு முறையில் இரு அடுக்கு முறையில் 10x5x5 மீ...
இமாம்பசந்த் தரும் இனிப்பான் லாபம்... பல ரகங்களை கொண்ட மாங்கனிகளில் இமாம்பசந்த், சேலம் ப...

Leave a Reply

Your email address will not be published. Required fields are marked *