வாழையில் கிழங்கு துளைக்கும் கூன் வண்டு

கிழங்கு துளைக்கும் கூன் வண்டு 

சேதத்தின் அறிகுறி:

  • வண்டுகளும் புழுக்களும் மண்ணுக்கடியில் வாழைக் கிழங்குகளைத் துளைத்து சேதப்படுத்தியிருக்கும்
  • கிழங்குகளில் சுரங்கப்பாதை போன்ற அறிகுறிகள் காணப்படும்
  • தீவிர தாக்குதலாயின் மரமே வாடிப்போகும்

பூச்சியின் விபரம்:

  • முட்டைகள்: வெள்ளை நிறமாகவும், வண்டுகள் முட்டைகளை தனித்தனியாக இடும். முட்டைகள் கிழங்கின் மேற்பகுதியில் தோன்றும்
  • புழுக்கள்: மஞ்சள் களந்த வெண்மை நிறமாகவும், சிவப்பு நிற தலைகளுடனும், கால்கள் இல்லாமலும் காணப்படும்
  • கூட்டுப்புழு: வெள்ளை நிறமாகவும், கிழங்குக்கு உள்ளே காணப்படும்
  • வண்டு: வண்டு சிறியதாக கருமை நிறத்துடன் கொம்பு போன்ற வாய் அமைப்புடன் காணப்படும்

கட்டுப்படுத்தும் முறை

  • நடும்போது பூச்சி தாக்காத கன்றுகளை தேர்வு செய்ய வேண்டும்
  • தாக்கிய இடங்களில் மீண்டும் வாழையைப் பயிரிடாமல் மாற்றுப்பயிர் செய்ய வேண்டும்
  • ரொபஸ்டா, கர்பூரவள்ளி, மால்போக், சம்பா மற்றும் அடுக்கர் ஆகிய இரகங்களை பயிர் செய்வதை தவிர்க்க வேண்டும்
  • பூச்சி தாக்குதல் குறைவாக காணப்படும் இரகங்களான பூவன், கதலி, குன்னன், பூம்காளி போன்றவற்றை நடலாம்
  • காஸ்மோலியூர் பொறியை எக்டர்க்கு 5 என்ற கணக்கில் வைக்கலாம்
  • தண்டை சிறுசிறு துண்டுகளாக வெட்டி குவியலாகப் போட்டு வைத்து, வண்டுகளை கவர்ந்து அழிக்கலாம்
  • கன்றுகள் நடும்போது ஒவ்வொரு குழியிலும் கார்போஃபியுரான் 40 கிராம் (அ) போரேட் 5 கிராம் (அ) லின்டேன் 20 கிராம் மருந்தை ஒவ்வொரு கிழங்கிற்கும் மணலுடன் கலந்து போட்டு நட வேண்டும்
  • நடுவதற்கு முன்னால் வாழைமரக்கன்றுகளை 0.1 சதவிதம் குயினால்பாஸ் மருந்தினுள் முக்கி எடுக்க வேண்டும்
  • தீவிர தாக்குதலின் போது டைமித்தோயேட் (அ) பாஸ்பாமிட்டான் (அ) மிதைல் டெமட்டான் மருந்தினை தெளிக்கலாம்
  • நடுவதற்கு முன்னால் ஒரு குழிக்கு ஆமணக்கு புண்ணாக்கு 250 கிராம் (அ) கார்பரில் பவுடர் 50 கிராம் (அ) போரேட் 10 ஜி 5 கிராம் இடுவதால் இப்பூச்சியின் தாக்குதலை தடுக்கலாம்.

Related Posts

வளம் தரும் வாழை நார்! வாழை மரங்களில் குலைகள் வெட்டிய பின், வாழை மட்டைகளை...
வாழையில் ஊடுபயிராக வெள்ளரி கோபி சுற்று வட்டாரத்தில் வாழையில் ஊடுபயிராக பயிரிட...
வாழையில் ஊடுபயிராக அவரை வெங்காயம்... தேனி மாவட்டத்தில் விவசாயிகள் வாழையில் ஊடுபயிராக அவ...
வாழையில் பனாமா வாடல் நோய் அறிகுறிகள்தாக்கப்பட்ட மரங்களின் அடி இலைகள் தி...